Ra’iisulwasaaraha Soomaaliya Kheyre Oo La Kulmay Dhigiisa Dalka Turkiga (Sawirro)

181

Ankara (C-Nabadda)-Ra’iisul Wasaaraha Soomaaliya Xasan Cali Kheyre oo booqasho ku jooga dalka Turkiga ayaa maanta la kulmay Ra’iisul Wasaaraha Turkiga Binali Yildrim.

Kulankan ayaa ka dhacay Qasriga Ra’iisul Wasaaraha Turkiga ee magaalada Ankara, waxaana halkaas hab maamuus soo dhoweyn heerkeedu sareysay loogu sameeyay Ra’iisul Wasaare Kheyre.

Labada Ra’iisul Wasaare ayaa ka wada hadlay xiriirka labada dal, amniga, dhaqaalaha, caafimaadka iyo la dagaalanka Argagixisda.

Ra’iisul Wasaare Kheyre ayaa sheegay in Turkiga mar walba taageero shacabka iyo dowladda Soomaaliyeed, isla markaana aanay marnaba ilaabi doono abaalka walaalaha Turkiga.

Sidoo kale waxaa uu Ra’iisul Wasaaraha uga mahad celiyay gurmadkii ay u soo direen Soomaaliya, kaddib qaraxii Zoobe, waxaana uu xusay in Turkiga uu yahay saaxib iyo walaal mar walba garab taagan shacabka Soomaaliyeed.

Ra’iisul Wasaare Kheyre ayaa lagu wadaa inuu la kulmo Madaxweynaha Turkiga Recep Tayyib Erdogan, sidoo kale waxaa uu booqan doonaa dhaawacyada laga keenay Muqdisho ee ku waxyeeloobay qaraxii 14-kii bishan.

Sawirro.

  

Radio Codka Nabadda

Leave a Reply

Your email address will not be published. Required fields are marked *

WordPress Audio Player Plugin
Check Also
Madaxweyne Farmaajo Oo Ka Tacsiyeeyay Geerida Allaha U Naxariistee Jen. Maxamed Abshir Hamaan
Muqdisho (C-Nabadda)-Madaxweynaha Jamhuuriyadda Federaalka Soomaaliya Mudane Maxamed Cabdullaahi Maxamed (Farmaajo) ayaa ka tacsiyeeyay geerida ku ...