Sabti  14/06/08  Codkanabadda Boosaaso

Waxaa maanta Shir uga furmayaa magaalada Addis Ababa ee dalka Ethiopia, Hogaamiyaasha Urur Gobaleedka IGAD, kaasi oo lagu lafa guri doono marxaladaha dalalka IGAD oo ay Somalia qeyb lixaad lihi kaga jirto.

Madasha shirka ayaa waxaa haatan ku sugan Madaxda Somalia, Kenya, Sudan Djibouti iyo R/wasaaraha Ethiopia ee uu dalkiisu marti-gelinayo Shir weynahan IGAD, iyadoo Madaxdaasina laga sugayo khudbado ay kagha hadlayaan sida wax looga qaban karo xaaladaha cakiran ee dalalka ku bahoobay urur Gobaleeda.

Somalia, ayaa Madaxweyne Yuusuf waxaa lagu wadaa inuu Shir weynaha ka jeediyo khudbad dheer oo ka hadlaysa xaaladihii ugu dambeeyey ee Somalia iyo doorka urur gobaleedka looga baahan yahay inay ka qaataan amaan kusoo dabaalidda dalka.

Djibouti, ayaa la filayaa inay Shir weynaha ka sheegto mowqifkeeda ku salaysan duulaankii dhawaan ay kusoo qaaday Eritrea iyo heshiiskii ay dhinacyada Soomalaida ku gaareen dalkeeda.

Urur Gobaleedka IGAD oo ka koobnaa ilaa Lix dal wadan, ayaa waxaa horey uga baxay Dowladda Eritrea, ka dib markii ay Ururku meel wanaagsan ka istaagay Arimaha murugsan ee ka jira dalka somalia..