Sabti  14/06/08  Codkanabadda Boosaaso

Xarunta maamulka gobolka oo lagu qabtay shir looga hadlayey dhanka amaanka ayaa qaatay saacado badan shirkaasoo ay ka soo qayb galeen gudoomiyaha gobolka mudug, duqa magaalada, taliyaha ciidamada booliska iyo gurmadka dag dag ah.

saraakiil faro badan oo goobta shirka ka hadlay ayaa ka niyad jab aad u weyn ka muujiyey dhanka amaanka ee magaalada gaalkacyo waxa ayna sheegeen in ay jiraan dad badan oo ka soo horjeeda nabadgalyada.

waxa ayna waydiisnteen saraakiisha in ay gacansiiyaan ciidamada kala duwan ee ka howgala magaalada gaalkacyo ee xarunta gobolka mudug odayaasha dhaqanka iyo waxgaradka culmaa, udiinka iyo dhamaan shacabkaba.

waxaa sidoo kale xalay saqdii dhexe weerar lagu qaaday xero ku taala bartamaha magaalada oo ay ku jiraan dadka ka soo barakacay dhibaatada magaalada muqdhisho oo ay ku xareysan yihiin dad rayida oo ubadan haween iyo caruur iyo waliba dad da,ah oo dhamaantood danyarah.

kadib markay ugu soo galeen gudah xeradooda deetan rasaas ay ooda uga qaadeen iyadoona halkaasi ay ku dhaawacmeen 3ruux oo ka tirasan dadkaasi xerada ku jiray ayna ka boobeen lacago aan qiyaasteeda la sheegin shida ay u sheegeen dadkaasi shaaciye.com.

shirkaan looga hadlayey amaanka gaalkacyo ayaa ku soo beegmay xili uu soo if baxayeen habeenadii u dambeysay dilalka shacabka aan wax gaysan lala bartilaamaameedsanayey oo geeystay dhimashada 9ruux halka dhaawacuna uu intaasi ka yar yahay.