Ciidanka Booliska Soomaaliya oo loogu deeqay Baabuur

Axad 17/03/08  Codkanabadda Boosaaso

Dowladda Ugandha, ayaa maanta Ciiddanka Boliska Somalia ugu deeqday Gawaaridda ay Boliska u isticmaalaan hawlaha Gurmada Degdegga ah, xilli ay Ciiddamadda baahi ballaaran u qabaan dhinaca Gaadiidka.

Ra’isul-wasaaraha Dowladda Federalka Somalia, Kornel Nuur Xasan Xuseen “Nuur Cadde” ayaa maanta ka qeybgalay Munaasbad ay Dowladda Ugandha ugu wareejinaysay Ciiddanka Boliska Somalia 8-gawaaridda Toyoto Hillux ee ay Ciiddamadda u adeegsadaan Hawlaha Gurmadka Degdegga ah.

Munaasabadaasi oo lagu qabtay Xarunta Taliska Ciiddanka Somalia “Commanddo Polizia”, ayaa waxaa ka hadlay Taliyaha Guud ee Hawlgalka Ciiddamaddaa Nabad-ilaalinta Afrikaanka “AMISOM”, Jeneral Faransis Okeelo, oo faahfaahin ka bixiyey Taageeradda ay Dowladda Ugandha soo gaarsiisay Ciiddanka Boliska Somalia, wuuuna qiray inay Gaadiidkaasi gacan ka geysan doonaan habsami-u-socodka hawlaha Bolsika Somalia.

Jeneral Okelo, waxa uu sheegay inay Dowladda Ugandha dhawaan soo gaarsiin doonto Kaalmooyin kale Ciiddanka Boliska Somalia, isagoo tilmaamay inay Kaalmooyinkaasi muhiim u yihiin Hawlaha Boliska ee ku aadan sugidda Ammaanka.

Jeneral Okelo, waxa kaloo uu ka hadlay Kaalinta ay Ciiddamadda Boliska ka qaadan karaa hawlaha Nabad-soo-celinta Somalia, wuxuuna qiray inay soo hagaagayso Ammaanka Guud ee magaalladda Muqdishu.

Sidoo kale, Taliyaha Ciiddanka Boliska Soomaaliyeed, Jeneral Cabdi Xasan Cawaale “Qybdiid” ayaa uga mahadceliyey Dowladda Ugandha taageeradda lama illaabaanka ah ee ay ugu deeqday Ciiddanka Boliska Soomaaliyeed, wuxuuna sheegay inay Ciiddanka Boliska sii labanlaabi doonaan Waxqabadkooda.

Munaasabadaasi, waxaa kaloo goobjoog ka ahaa Taliyaha Milliteriga Ethiopianka ee ku sugan gudaha dalka Somalia, Jeneral Gabre iyo Saraakiil kale.